Historia ya Mtume Muhammad(S.A.W) kwa Ufupi :4

Aslaam 'Alaykum wa Rahmatullah wa Barakatuh ndugu zangu katika Iymaan,naam hakika kwa Rehma za Allah(S.W) ni siku nyingine tena tunakutana kujuzana machache kuhusiana na Historiya ya Mtume Muhammad(S.A.W).

Naam na leo tutaangalia ni vipi Mtume Muhammad alianza kutangaza DINI kwa wasio waislamu.

Mtume Muhammad alianza kutangaza DINI YA UISLAM YA ALLAH kwa wasio waislaam polepole na kwa siri kwa marafiki na jamaa zake kwa muda wa miaka(3) na watu waliosilim ndani ya mda huu walikuwa chini ya Thalathini.

Baadhi ya watu waliosilimu ndani ya muda huu ni.
  • Bi Khadija (R.A)
  • Ali (K.W)Binamu na mtoto wa kumlea wa Mtume Muhammad(S.A.W).
  • Zaiid,Mtumwa aliyeachiwa huru na Muhammad.
  • Abu Bakar Sadiq(R.A)
  • Uthman Ibin Affan(R.A)
  • Talha.
Hawa walikuwa watu wa karibu na marafiki wakubwa wa Mtume Muhammad(S.A.W)
Na baada ya miaka (3) hii ya kutangaza DINI ya ALLAH hapo ndipo ALLAH akamuamrisha Mtume wetu Kipenzi wa Darja aanze kutangaza DINI waziwazi bila kificho.

Na hapa sasa Mtume Muhammad alipanda juu ya Mlima Safa karibu na MAKKA na kutangaza kuwa
"Mwenyezi Mungu ni Mmoja "na akiwahasa Waarabu wa Makka juu ya azabu kali ya ALLAH kisha kuwataka waishi kutokana na Maamrisho ya ALLAH.

Suala hili liliwakwaza sana waarabu wa Makka kiasi cha kuamini kuwa watapoteza Enzi na Nguvu zao pamoja na Maslah wanayopata kutokana na Masanamu yaliyokuwemo ndani ya "KAABA"
Hapo ndipo Waarabu wa Makka walianza kumtisha Mtume Muhammad kuwa madhala makubwa yatamkuta endapo kama ataendelea kutangaza Dini hii Adhwiim ya ALLAH.Lakini Mtume Muhammad hakutingishika na katazo hilo.

Siku chache baadae Mtume Muhammada alikwenda kwenye "KAABA"  na  kutangaza  kuwa "hapana Mola apasae kuhabudiwa kwa Haki isipokuwa Mwenyezi Mungu na Muhammad ni Mjumbe wake". Washirikina walistaajabishwa sana na swala hili na kuuzika, hivyo walijaribu kumvutia Mtume Muhammad kwa Mali,Utukufu,Wanawake na hata  kwa Ufalme lakini Mtume Muhammad aliwajibu"Ikiwa mtaniwekea Jua katika mkono wangu wa kulia na Mwezi katika mkono wangu wa kushoto,sitoacha jambo hili la kutangaza DINI ya ALLAH"

Hapa ndipo washirikina walianza kuwatesa Muhammad na wafuasi wake,baadhi ni kama Bilal,Ammar na Khabbab walitupwa juu ya michanga ya moto ya jangwani chini ya jua kali huku wakiwekewa mawe mazito juu ya vifua vyao,wengine waliburutwa njiani kwa kamba,wengine walipigwa vibaya bila ya huruma mpaka walifairiki.

Washirikina wa Kikureishi hawakuweza kumtesa sana Mtume Muhammad kutokana na Utukufu wa kabila lake la "BANU HASHIM" kwani kufanya hivyo  kungeweza kuanzisha vita.Licha ya hivyo Muhammad alipata maudhiko kadhaa wa kadhaa kama kuwekewa miba na taka njiani,na mabo yalivyoharibika sana Mtume Muhammad alitoka Makka na kuamia "Taif"Mji karibu na Makka ili kutangaza ujumbe wa Mwenyezi Mungu.

Nako pia alihujumiwa vibaya pia na kupigwa mawe na watu wa Taif,hadi alikaribia kuzimia, alikuwa amejawa na amaumivu na hivyo hakuwa na la kusema zaidi ya.
             "Ewe Mola,waongoze njia sawa kwani wao hawafahamu neno"
Na kwa Muda wa miaka(5) kuteswa kwa Waislaam, Lakini watu walizidi kuingia kwenye Uislaam na kuacha Ushirikina.Mwaka wa(6) wa Mtume Muhammad, watu wawili muhim HAMZA&UMAR IBN KHATTAB walisilimu na kuwafanya wafuasi wa Mtume Muhammad kuwa na nguvu zaidi ya kuendelea kulingania DINI YA ALLAH.

 Naam kwa leo tuishie hapa na In Sha ALLAH tukutane siku nyingine katika muendelezo wa Historiya hii Tamu na yenye kukuza Iymaan zetu.Nilipokosea basi ALLAH na nyie ndugu zangu katika Iymaan mnisameh na ALLAH anipe nguvu zaidi tuzidi kujuzana.

 "FIKISHA YALIYOFIKISHWA"
"Wa azah Aslaam 'Alaykum wa Rahmatullah wa Barakatuh"
 



Comments

Post a Comment

Popular posts from this blog

Mitume 25 iliyotajwa kwenye QUR'AN.

Aslaam Alaykum Wa Rahmatullah Wa Barakatuh.ndugu zangu katika Imaan.Sote tunafaham kuwa kuna Mitume(Wajumbe wa ALLAH) mbali mbali ambao aliwateremsha hapa Duniani kwa lengo la kulingania Dini yake tukufu ya UISLAM na kuwaelekeza waja wake kwenye njia ilo sahihi yaani ilo nyoofu ili wapate faida hapa Duniani na kesho Akhera, Lakini je katika Qu'ran tukufu tunajuwa wangapi wametajwa kuanzia wa kwanza hadi mwisho?Basi leo kwa Idhin ya  ALLAH In Sha Allah tuwafahamu Wajumbe hao wa ALLAH. 1)Adam 2)Idris 3)Nuh 4)Saleh 5)Shuayb 6)Hud 7)Ibrahi m 8)Lut 9)Ismail 10)Is-haq 11)Yaqub 12)Yusuph 13)Yunus 14)Mussa 15)Harun 16)Ayyub 17)Daud 18)Sulayman 19)Ilyas 20)Alyasa 21)Dhul-kifl 22)Zakaria 23)Yahya 24)Issa 25)Muhammad "REHMA NA AMAAN ZIWE JUU YAO" Tukutane siku nyingine kwenye Mada nyingine. "FIKISHA YALIYOFIKISHWA" Wa azah Aslaam Alaykum Wa Rahmatullah Wa Barakatuh.
Read more

Historia ya Mtume Muhammad(S.A.W) kwa Ufupi:1

Aslaam 'Alaykum wa Rahmatullah wa Barakatuh ndugu zangu katika Iymaan,hakika leo ni siku nyingine tunakutana katika ukurasa wetu kama ilivyo ada kujuzana mambo mbalimbali yahusuyo Dini yetu Adhwiim ya UISLAAM,na leo hii kwa Idhin  ALLAH tutaangalia Historia ya Mjumbe wa mwisho wa ALLAH kipenzi cha ALLAH, Kiigizo chema kwetu Mtume Muhammad(S.A.W),naamu twendeni pamoja In Sha Allah. Mtume Muhammad(S.A.W) alizaliwa Makka-Arabuni tareh 12-Rabbil Awwal(Mfungo sita) Miaka 54 BK.Sawa na 20(04) 570/571.B.I,Juma Tatu Alfajiri.Ndugu zangu kwenye swala la mwaka wa kuzaliwa kwake hapa kuna Maulamaa wametofautiana na ndiyo maana nimeweka miaka yoote miwili hapo.                        "Na sema ukweli umefika nauongo umetowekw/utaondoka,kwa hakkika uongo  ni wenye  kuondoka"( QUR'AN.17:81). Baba yake alikuwa akiitwa Abdallah(ikiwa na maana ya mja wa ALLAH) na alifariki miezi 6 kabla ya kuzaliwa kwa mwanae Muhammad,na ...
Read more

Histotia ya Mtume Muhammad(S.A.W) kwa Ufupi :6

Aslaam 'Alaykum wa Rahmatullah wa Barakatuh ndugu zangu katika Iymaan,naam Alhmadulillah kwa kuwa tunakutana tena leo hii kwenye muendelezo wa Historia ya Mtume Muhammad kwa uchache wake na tukiwa mwishoni mwa Mada yetu. BISMILLAH RAHMAN RAHIIM. MAPOKEZI YA MTUME MUHAMMAD NA ABU BAKAR SIDIQ KATIKA JAMII YA MADINA BAADA YA KUWASILI KWAO.  Mtume Muhammad na Abu Bakar walipowasili Madina walipokelewa kwa shangwe na furaha na Waislam wa Madina kwani  walikuwa na hamu kubwa ya kumuona Mtume  wa Mwenyezi Mungu. Mtume Muhammad baada ya kufika Madina alimuachia Ngamia wake (HATAMU) ambae alikuwa anamtumia katika usafiri, na Ngamia huyu alienda kusimama  katika kiwanja tupu cha ndugu wawili Mayatima na kuanza kula majani, na Mtume Muhammad aliamua kununua kiwanja kile na kujenga Msikiti na nyumba ndogo ya pembeni. Baadae Msikiti huu pamoja na nyumba ile vilikuwa sehemu ya kufikia wegeni(wasafiri) wasiokuwa na mahali pa kufikia, pia ilikuwa ni sehemu ya mikutano...
Read more